O delegado territorial da Xunta en Lugo, Alfonso Villares, mantivo hoxe un primeiro encontro institucional co xefe provincial da Unidade de Policía Adscrita (UPA) de Galicia en Lugo, Moisés Muñiz.

Villares subliñou o importante labor que realizan en eidos como a protección do medio ambiente e a investigación dos incendios forestais. Tamén se encargan de velar pola seguridade no Camiño de Santiago, “unha tarefa que será especialmente esixente de cara á celebración do Xacobeo do próximo ano”, sinalou o delegado.