O conselleiro de Presidencia, Xustiza e Deportes, Diego Calvo, visitou hoxe as novas instalacións da Policía Autonómica (UPA) en Vigo, onde enxalzou o labor realizado pola unidade e reclamoulle ao Goberno a cobertura total das prazas que corresponden a Galicia, así como a negociación das novas condicións que o Ministerio pretende impoñer no novo convenio para o mantemento deste corpo policial. Na visita participaron tamén os directores xerais de Emerxencias e Interior, Santiago Villanueva, e de Xustiza, José Tronchoni, e o comisario xefe da UPA, Jorge Rubal.

Axentes do Equipo de Resposta Policial (ERPOL) da Unidade de Policía Nacional Adscrita comisaron máis de 28 quilos de ameixa e diverso material usado para o furtivismo, no marco dun operativo desenvolvido o 18 de setembro na zona de Ferrol en colaboración co servizo de Gardacostas de Galicia.

Como resultado, tramitáronse sete actas de sanción pola Lei de Pesca de Galicia.

Axentes do Grupo de Investigación de Incendios da Unidade de Policía Nacional en Santiago veñen de esclarecer un incendio forestal rexistrado o 15 de setembro en Val do Dubra. O lume produciuse na parroquia de Coucieiro e afectou unha superficie de 200 metros cadrados de superficie rasa. 
 
A orixe do incendio debeuse ao escape dunha queima realizada sen as medidas de seguridade necesarias e nunha data na que estaban prohibidas. Hai unha persoa investigada como presunta autora.
 

O conselleiro de Presidencia, Xustiza e Deportes, Diego Calvo, acompañado polo director xeral de Emerxencias e Interior, Santiago Villanueva, e o comisario, xefe da Unidade de Policía Nacional Adscrita, Jorge Rubal, reuniuse co novo xefe do Equipo de Resposta Policial (ERPOL) da Unidade de Policía Nacional Adscrita, o inspector César Ramos, que se incorpora ao posto tras a xubilación do seu predecesor, o subinspector Fernando Molina. 

A delegada da Xunta, Belén do Campo, participou, esta mañá, nun simulacro de incendios no edificio administrativo da Xunta de Galicia na Coruña. Cunha duración aproximada dunha hora, contou coa participación de varias dotacións de Bombeiros e da Policía Local, e a Unidade de Policía Nacional Adscrita.

O simulacro, tivo por obxectivo poñer a proba o plan de autoprotección do edificio, ademais de formar e aos centos de traballadores e traballadoras que cada día acoden ao seu posto de traballo.

Axentes do Grupo de Investigación de Incendios da Unidade de Policía Nacional Adscrita en Santiago, en colaboración coa Unidade de Investigación de Incendios Forestais (UIFO) da Consellería do Medio Rural, veñen de esclarecer un incendio forestal rexistrado o pasado 10 de agosto en Padrón. O lume produciuse na parroquia de Carcacía e afectou unha superficie de 6,8 hectáreas de monte arborado. 
 

Axentes do Grupo de Investigación de Incendios da Unidade de Policía Nacional Adscrita en Pontevedra, en colaboración coa Unidade de Investigación de Incendios Forestais (UIFO) da Consellería do Medio Rural, veñen de esclarecer un incendio forestal rexistrado o pasado 21 de agosto no Grove. O lume produciuse no lugar de Reboredo, na parroquia de San Vicente, e afectou unha superficie de 0,3 hectáreas de alto valor ecolóxico, ao ser Lugar de Interese Comunitario (LIC), Zona de Especial Protección de Aves (ZEPA) e Rede Natura 2000.

A Unidade de Policía Nacional Adscrita realizou máis de 8.600 inspeccións e tramitou máis de 1.600 denuncias no marco da súa colaboración coa Consellería do Medio Rural durante o pasado ano. Este labor conxunto abrangue prevención e investigación de incendios forestais, actuacións en materia de sanidade e benestar animal, inspección e control de establecementos expendedores de produtos fitosanitarios, e actividades relacionadas coa praga do nematodo do piñeiro e coa prevención da gripe aviar.

Axentes da xefatura provincial da Unidade de Policía Nacional Adscrita en Lugo, en colaboración coa Policía Nacional de Monforte de Lemos, levaron a cabo un dispositivo conxunto de prevención de consumo de alcohol por menores de idade o pasado 12 de agosto, no marco das festas da Virxe de Montserrat en Monforte de Lemos. Como resultado das inspeccións identificáronse 56 persoas e levantáronse oito actas de infracción. A maiores, interviñéronse diversas substancias estupefacientes.

Axentes do Grupo de Investigación de Incendios da Unidade de Policía Adscrita en Ourense veñen de esclarecer un incendio forestal rexistrado o pasado 31 de xullo no lugar de Hedreira, na parroquia de Couso do concello ourensán de Avión.

O lume afectou 0,18 hectáreas de monte raso e orixinouse durante a realización de traballos con serra radial sen as medidas de seguridade necesarias. As partículas incandescentes procedentes da corta de metal produciron o incendio.