Axentes do Grupo de Investigación de Incendios da Unidade de Policía Adscrita detiveron e tomaron declaración a unha persoa como presunta autor de oito incendios forestais rexistrados no lugar de Porcallos, no concello pontevedrés de Lalín entre os anos 2016 e 2024.   

A detención enmárcase na investigación levada a cabo pola Unidade de Policía Adscrita denominada operación Errante, co obxectivo de previr e atallar a reincidencia pola sucesión continuada destes lumes que xeraron un risco para ás persoas e os bens inmobles e infraestruturas creando alarma social entre a veciñanza.

Axentes do Grupo de Investigación de Incendios da Unidade de Policía Adscrita (UPA) en Santiago e da Unidade de Investigación de Incendios Forestais (UIFO) da Consellería do Medio Rural veñen de esclarecer un incendio forestal rexistrado o pasado 5 de xuño que se iniciou no concello de Val do Dubra, se ben o territorio afectado pertencía ao municipio de Santa Comba.

Axentes do Grupo de Investigación de Incendios da Unidade de Policía Adscrita en Santiago veñen de esclarecer dous incendios forestais, un deles rexistrado o pasado 24 de abril no concello de Ribeira e outro o 23 de maio en Rianxo.

O lume de Ribeira produciuse no lugar de Deán Grande e afectou 75 metros cadrados de terreo agrícola. Nunha primeira inspección ocular, os axentes observaron que na parcela se atopaban restos de rozas agrícolas. Na extinción do incendio participaron un axente forestal, 2 cuadrillas e o Grupo Municipal de Emerxencias de Ribeira.

O conselleiro de Presidencia, Xustiza e Deportes, Diego Calvo, acompañado polo comisario xefe da Unidade de Policía Adscrita, Jorge Rubal, reuniuse hoxe co xefe provincial da Unidade de Policía Adscrita en Lugo, Javier García, con motivo da súa xubilación tras 44 anos de servizo. Diego Calvo agradeceulle o labor desenvolvido, xa recoñecido con diversos galardóns tanto a nivel local como nacional. Así, en 2015 recibiu a medalla de bronce ao mérito deportivo concedida polo Consello Superior de Deportes.

Axentes da xefatura provincial da Unidade de Policía Nacional Adscrita en Lugo levaron a cabo un dispositivo de prevención de consumo de alcohol por menores de idade o día 3 de xuño, no marco das festas da Virxe do Carme e San Xoán Bautista de Burela. Como resultado das inspeccións identificouse 110 persoas e levantáronse 13 actas de infracción. A maiores, interviñéronse diversas substancias estupefacientes.

Axentes da xefatura da Unidade de Policía Nacional Adscrita en Santiago levaron a cabo un dispositivo de prevención de consumo de alcohol por menores de idade no festival O Son do Camiño, celebrado a pasada semana en Compostela e de cuxo dispositivo de protección e seguridade formou parte este corpo policial. Como resultado das inspeccións identificouse 103 menores e levantáronse cinco actas de infracción

Axentes do Grupo de Investigación de Incendios da Unidade de Policía Adscrita en Ourense esclareceron un incendio forestal rexistrado o 8 de maio no Carballiño. O lume  afectou 0,26 hectáreas de superficie rasa no lugar de Esgueva, na parroquia de Madarnás. 

Os axentes concluíron que a orixe do lume se debeu ao escape dunha queima realizada sen as medidas de seguridade necesarias. 

Nas tarefas de extinción participaron dous axentes forestais, dúas brigadas e unha motobomba. 

A Unidade de Policía Adscrita levou a cabo o ano pasado máis de 200.200 actuacións no marco das súas competencias. Destaca a actividade relacionada coa protección das vítimas de violencia de xénero, a prevención e investigación de incendios forestais, a loita contra o furtivismo ou a vixilancia dos diferentes roteiros dos Camiños de Santiago.

Axentes do Equipo de Resposta Policial (ERPOL)  da Unidade de Policía Adscrita comisaron o pasado 7 de maio un total de 123 quilos de ameixa e identificaron 14 persoas no marco dun operativo de loita contra o furtivismo nas zonas da Malata e do Couto, en Ferrol. 

Por unha banda, na zona da Malata, os axentes identificaron 11 persoas e comisaron 20 quilos de ameixa. Na zona do Couto houbo tres persoas identificadas e o comiso ascendeu a 103 quilos de ameixa babosa, xapónica e fina. 

A Unidade de Policía Adscrita detivo unha persoa como presunta autora dun delito de maltrato continuado contra os animais tras localizar en Santiago dúas gaiolas cun can morto e outro en situación crítica. O achado produciuse no curso da investigación dun lume rexistrado o pasado mes nunha leira na parroquia de Bando e comprobouse que os danos e lesións que presentaban os animais non eran froito do lume senón da falta de atención.