17/06/2023

A Unidade de Policía Adscrita da Xefatura de Santiago de Compostela esclarece dous incendios forestais nos concellos coruñeses de Rois e Dodro

Axentes do Grupo de Investigación de Incendios da Unidade de Policía Adscrita da Xefatura de Santiago de Compostela, en colaboración con axentes ambientais da Consellería do Medio Rural, veñen de esclarecer dous incendios forestais rexistrados o pasado 5 de xuño, un deles no concello de Rois e outro no de Dodro.

O lume de Rois, rexistrado na parroquia de Formarís, afectou 400 metros de terreo. Na inspección ocular feita polos axentes observáronse restos dunha queima forestal realizada de xeito neglixente, polo que se identificou e tomou declaración á persoa presunta autora. 

04/06/2023

A Unidade de Policía Adscrita participa na "I Xornada de confraternidade da seguridade e emerxencias da comarca do Barbanza", na Pobra do Caramiñal

O pasado día 01 de xuño celebrouse a “I Xornada de confraternidade da seguridade e emerxencias da comarca do Barbanza”,  no Concello da Pobra do Caramiñal, onde realizouse a exposición de materiais e recursos dos diferentes colectivos de emerxencias e seguridade que interveñen na vila e no resto da comarca do Barbanzana.

A mostra, dirixida ao alumnado dos centros educativos da zona, enmárcase na I Xornada de Confraternidade de Seguridade e Emerxencias da Comarca do Barbanza, organizada polo Concello e a Mancomunidade Barbanza Arousa.

27/05/2023

A Unidade de Policía Adscrita esclarece un incendio forestal no concello ourensán de Maside

Axentes do Grupo de Investigación de Incendios da Unidade de Policía Adscrita da Xefatura de Ourense veñen de esclarecer un incendio forestal rexistrado o pasado 20 de maio no concello ourensán de Maside. O lume afectou 0,20 hectáreas de superficie arborada.  
A investigación puxo de manifesto que o incendio foi provocado polo lanzamento de fogos de artificio, cando o índice de risco de lumes era extremo, polo que se tomou declaración a unha persoa como presunta autora. 

26/05/2023

Colaboración de mergulladores da Unidade de Policía Adscrita de Galicia, coa Comisaría de Policía Nacional de Ribeira na recuperación de arma de fogo no porto de Ribeira

Na madrugada do pasado domingo 21 de maio, na localidade de Ribeira, iniciouse un altercado entre varios individuos, que derivou nunha tentativa de homicidio e onde se fixo uso dun arma de fogo.

Polas xestións da investigación e realizadas pola Comisaría Local de Policía Nacional de Ribeira, tiveron constancia de que a arma empregada na agresión, podería atoparse en augas do interior da dársena do porto desa localidade.

23/05/2023

A UPA Lugo levanta 7 actas de infracción no marco dun dispositivo de control de consumo de alcohol por menores de idade realizado en Lugo

Axentes da Xefatura Provincial da Unidade de Policía Adscrita en Lugo levaron a cabo o 14 de maio un dispositivo de prevención de consumo de alcohol por menores de idade no barrio da Piringalla da capital luguesa. Como resultado das inspeccións levantáronse sete actas de infracción por incumprimento das leis 2/1996 e 11/2010, en actividades de prevención de consumo de sustancias prohibidas a menores de idade.

05/05/2023

A Axencia Galega de Seguridade Publica (Agasp) aborda a intervención xurisdicional con menores

O director xeral de Emerxencias e Interior, Santiago Villanueva, xunto o Comisario, Jorge Rubal Pena, Xefe da Unidade de Policía Adscrita de Galicia, participaron hoxe na apertura da Xornada sobre a intervención xurisdiccional con menores desenvolvida na Academia Galega de Seguridade Pública. No encontro interveñen o fiscal de Menores de Galicia, José Manuel Ucha, a maxistrada do Xulgado do Penal número catro de Pontevedra, Belén Rubido, e o doutor en Psicoloxía e director de Urrainfancia Javier Urra, quen fora o primeiro Defensor do Menor.

05/05/2023

Entrega de dous esmeriles de bronce ao servizo de arqueoloxía da Xunta de Galicia para a súa restauración.

O pasado 18 de abril realizouse a entrega oficial por parte do Mando de Acción Marítima de Ferrol da Armada, ao Servizo de Patrimonio da Xunta de Galicia, dos 2 esmeriles de bronce e 3 cargadores de alcuza, para a súa restauración, que fosen recuperados por un Equipo Operativo de Mergullo formado por:
- A Unidade de Mergullo de Ferrol da Armada (UBUFER)
- O Grupo Operativo de Actividades Subacuáticas (GOAS) da Unidade de Policía Adscrita de Galicia
- O Servizo de patrimonio Arqueolóxico da Xunta de Galicia
No que tamén participo Gardacostas de Galicia.

26/04/2023

A Unidade de Policía Adscrita de Galicia detén un home en Vigo por presunto delito de violencia de xénero

Axentes da xefatura local da Unidade de Policía Adscrita (UPA) en Vigo, detiveron o pasado venres un varón como presunto autor dun delito de violencia de xénero.
 

25/04/2023

A Unidade de Policía Adscrita de Galicia levanta 12 actas de infracción no marco dun dispositivo de prevención de consumo de alcohol por menores de idade realizado en Lugo.

Axentes da xefatura provincial da Unidade de Policía Adscrita de Lugo, en colaboración coa Policía Local deste concello, levaron a cabo a pasada fin de semana un dispositivo de prevención de consumo de alcohol por menores de idade na capital luguesa. Como resultado das inspeccións levantáronse 12 actas de infracción por incumprimento das leis 2/1996 e 11/2010, en actividades de prevención de consumo de sustancias prohibidas a menores de idade.
 

20/04/2023

A Unidade Adscrita de Policía de A Coruña comisa catro quilos de percebe

Axentes da Unidade Adscrita de Policía Autonómica da xefatura da Coruña comisaron onte nesta cidade catro quilos de percebe. A incautación realizouse en colaboración con confrarías de pescadores da área coruñesa no marco dun dispositivo de prevención do furtivismo.

Os axentes interceptaron e identificaron dúas persoas, das que posteriormente comprobaron que xa contaban con denuncias previas relacionadas co marisqueo ilegal. Ademais dos percebes, comisaron dous salabardos e unha rapa.