Axentes do Grupo de Investigación de Incendios da Unidade de Policía Adscrita en Ourense esclareceron un incendio forestal rexistrado o pasado mércores, 28 de xuño, en Seixalbo, no concello de Ourense. O lume afectou 0,15 hectáreas de superficie arborada e evitouse a súa propagación debido á rápida intervención e o inmediato aviso aos servizos de extinción.

Axentes da Unidade de Policía Adscrita da xefatura de Pontevedra comisaron o pasado 15 de xuño máis de nove quilos de navalla no porto de Praceres, en Pontevedra. 

Os axentes detectaron unha embarcación da que se descargaban produtos pesqueiros nun cesto e agachaban na zona do aparcadoiro de vehículos do porto. Ao inspeccionalo, comprobaron que contiña 9,1 quilos de navalla e procederon ao seu comiso tras constatar que estaban por debaixo do talle mínimo. As navallas, ao atoparse vivas, foron devoltas ao mar nas proximidades da illa de Tambo.

Axentes da xefatura da Unidade de Policía Adscrita en Santiago levaron a cabo un dispositivo de prevención de consumo de alcohol por menores de idade no festival O Son do Camiño, celebrado os pasados días 15, 16 e 17 de xuño en Compostela e de cuxo dispositivo de protección e seguridade formou parte este corpo policial. Como resultado das inspeccións identificouse 140 menores e levantáronse tres actas de infracción por incumprimento das leis 2/1996 e 11/2010, en actividades de prevención de consumo de sustancias prohibidas a menores de idade.

Axentes do Grupo de Investigación de Incendios da Unidade de Policía Adscrita da Xefatura de Santiago de Compostela en colaboración con axentes ambientais da Unidade de Investigación de Incendios Forestais (UIFO) da Consellería do Medio Rural, veñen de esclarecer un incendio forestal rexistrado o pasado 25 de maio no concello coruñes de Vimianzo. O lume afectou a 0,61 hectáreas de terreo na parroquia de Berdoias. 

Axentes do Grupo de Investigación de Incendios da Unidade de Policía Adscrita da Xefatura de Santiago de Compostela, en colaboración con axentes ambientais da Consellería do Medio Rural, veñen de esclarecer dous incendios forestais rexistrados o pasado 5 de xuño, un deles no concello de Rois e outro no de Dodro.

O lume de Rois, rexistrado na parroquia de Formarís, afectou 400 metros de terreo. Na inspección ocular feita polos axentes observáronse restos dunha queima forestal realizada de xeito neglixente, polo que se identificou e tomou declaración á persoa presunta autora. 

O pasado día 01 de xuño celebrouse a “I Xornada de confraternidade da seguridade e emerxencias da comarca do Barbanza”,  no Concello da Pobra do Caramiñal, onde realizouse a exposición de materiais e recursos dos diferentes colectivos de emerxencias e seguridade que interveñen na vila e no resto da comarca do Barbanzana.

A mostra, dirixida ao alumnado dos centros educativos da zona, enmárcase na I Xornada de Confraternidade de Seguridade e Emerxencias da Comarca do Barbanza, organizada polo Concello e a Mancomunidade Barbanza Arousa.

Axentes do Grupo de Investigación de Incendios da Unidade de Policía Adscrita da Xefatura de Ourense veñen de esclarecer un incendio forestal rexistrado o pasado 20 de maio no concello ourensán de Maside. O lume afectou 0,20 hectáreas de superficie arborada.  
A investigación puxo de manifesto que o incendio foi provocado polo lanzamento de fogos de artificio, cando o índice de risco de lumes era extremo, polo que se tomou declaración a unha persoa como presunta autora. 

Na madrugada do pasado domingo 21 de maio, na localidade de Ribeira, iniciouse un altercado entre varios individuos, que derivou nunha tentativa de homicidio e onde se fixo uso dun arma de fogo.

Polas xestións da investigación e realizadas pola Comisaría Local de Policía Nacional de Ribeira, tiveron constancia de que a arma empregada na agresión, podería atoparse en augas do interior da dársena do porto desa localidade.

Axentes da Xefatura Provincial da Unidade de Policía Adscrita en Lugo levaron a cabo o 14 de maio un dispositivo de prevención de consumo de alcohol por menores de idade no barrio da Piringalla da capital luguesa. Como resultado das inspeccións levantáronse sete actas de infracción por incumprimento das leis 2/1996 e 11/2010, en actividades de prevención de consumo de sustancias prohibidas a menores de idade.

O pasado 18 de abril realizouse a entrega oficial por parte do Mando de Acción Marítima de Ferrol da Armada, ao Servizo de Patrimonio da Xunta de Galicia, dos 2 esmeriles de bronce e 3 cargadores de alcuza, para a súa restauración, que fosen recuperados por un Equipo Operativo de Mergullo formado por:
- A Unidade de Mergullo de Ferrol da Armada (UBUFER)
- O Grupo Operativo de Actividades Subacuáticas (GOAS) da Unidade de Policía Adscrita de Galicia
- O Servizo de patrimonio Arqueolóxico da Xunta de Galicia
No que tamén participo Gardacostas de Galicia.