Axentes do Grupo de Investigación da Unidade de Policía Adscrita da Xefatura de Santiago de Compostela, procederon á recuperación de 15 pezas metálicas de gran valor arqueolóxico datadas entre os séculos VII e IV A.C, polo que corresponden desde a Idade de Bronce ata a época romana. As actuacións levaron a cabo no marco da operación Bronce, que continúa aberta e, polo momento, os axentes identificaron a dúas persoas como presuntas autoras dun delito contra o patrimonio histórico e outro de apropiación indebida.

Axentes de ERPOL da Unidade de Policía Adscrita de Galicia comisaron esta madrugada 300 quilos de distintos tipos de ameixa na ría coruñesa do Burgo e 100 quilos de ourizo na zona de Canide, en Oleiros. A actuación realizouse no marco dun operativo de loita contra o furtivismo desenvolvido xunto cos vixilantes da confraría da Coruña.

Como resultado foron identificadas 12 persoas e tramitáronse outras tantas denuncias por presunta infracción da Lei de pesca de Galicia. Todo o marisco comisado foi sementado no mar pola confraría da Coruña. 

Axentes da xefatura provincial da Unidade de Policía Adscrita de Lugo esclareceron unha autoría dun vertido de residuos perigosos localizado o pasado xaneiro nun monte da parroquia de Bocamaos, no concello de Lugo. O presunto autor xa fora denunciado con anterioridade por ter un taller dedicado á compravenda ilegal de vehículos. 

Axentes do Grupo de Investigación de Incendios da Unidade de Policía Adscrita da Xefatura de Santiago de Compostela, en colaboración con axentes da Unidade de Investigación de Incendios Forestais (UIFO) da Consellería do Medio Rural, veñen de esclarecer un incendio forestal rexistrado o pasado 2 de marzo no concello coruñés de Boiro. O lume afectou 1.400 metros cadrados de superficie arborada.
 

Axentes de Policía Nacional pertencentes a UDEV Central e da Unidade de Policía Adscrita de Galicia, nunha operación conxunta co Servizo de Vixilancia Aduaneira da Axencia Tributaria e a Policía Marítima de Portugal, desarticularon unha organización criminal internacional dedicada, presuntamente, ao tráfico de especies protexidas. 

O pasado 8 de marzo o concello de Ourense  fixo entrega do XVII Premio Campoamor á igualdade de oportunidades ás Forzas e Corpos de Seguridade da provincia de Ourense.

O galardón recoñece a labor de atención e seguimento das vítimas de violencia de xénero da provincia de Ourense, por parte dos axentes de Policía Nacional da UFAM (Unidade de Familia e Atención a Muller) e da UPA (Unidade de Policía Adscrita de Galicia), EMUME (Equipo de Muller e Menor) da Garda Civil e ás Policías Locais incorporadas ao Sistema Vioxén.

Axentes do Grupo de Investigación de Incendios da Unidade de Policía Adscrita da Xefatura de Santiago de Compostela, en colaboración con axentes ambientais do distrito forestal IV-Barbanza da Consellería do Medio Rural, esclareceron un incendio forestal rexistrado o pasado 17 de febreiro no concello coruñés da Baña. O lume rexistrouse na parroquia de San Vicenzo e afectou 0,25 hectáreas.

Axentes da Unidade de Policía Adscrita da xefatura da Pontevedra, en colaboración co servizo de Gardacostas de Galicia, comisaron o pasado venres, 3 de marzo, 21 quilos de centola, 9 quilos de choco e 3 quilos de bogavante no porto de Aguete de Marín.

Axentes do grupo de menores e Servizo Lima da xefatura provincial da Unidade de Policía Adscrita en Lugo, en colaboración coa Policía Local de Ribadeo, levaron a cabo a pasada fin de semana un dispositivo de prevención de consumo de alcohol por menores de idade no concello da Mariña luguesa. Como resultado das inspeccións levantáronse oito actas de infracción por incumprimento de diversas leis.
 

O pasado día 28 de febreiro de 2023 a pedimento do Departamento de Participación Cidadá da Comisaría Local de Policía Nacional de Viveiro (Lugo), para realizar unha charla no CEIP Celeiro de Viveiro sobre o labor da Unidade Adscrita de Policía de Galicia entre os que esta a investigación de incendios, protección de medio ambiente, furtivismo, etc.