A UPA incautou onte, 4 de maio, un total de 25 quilos de ourizo na cidade da Coruña no marco dun operativo de loita contra o furtivismo.

No transcurso dun dispositivo na Coruña, a UPA procedeu á vixilancia dun home que podería estar a extraer marisco de maneira ilegal na zona costeira próxima ao Colexio Plurilingüe Escravas do Sacro Corazón de Xesús, o cal interceptaron cando deixaba o lugar con 25 quilos de ourizo.

Os ourizos comisados foron posteriormente devoltos ao mar e os axentes levantaron unha acta de presunta infracción á Lei de Pesca de Galicia.